Нью-Йоркийн 11 настай охин сургууливаа гарсны дараа өөр дээр нь тэврэх гэсэн, хулгайлах гэсэн хүнийг түлхсэн тухайгаа ярив: "Би айсан"

Дээрх "See more of our coverage in your search results." мэдээний сурталчилгаа учраас орчуулгад оруулаагүй.

Бронкс дүүргийн 11 настай, энэ долоо хоногт өөрийг нь хулгайлах гэж оролдсон хүнээс эр зоригоор зугтсан охин The Post сонинд өгсөн ярилцлагадаа аймшигтай мөчүүдээ, тэр эрийг түлхэж, зугтсан агшнаа дэлгэрэнгүй ярьжээ.

Мотт Хейвен дүүрэгт сургуулиасаа гэрлүү явж байхад нь 18:00 орчим, аль хэдийн харанхуй болсон үед Фатима нэр бүхий эр зоригоо гаргаж, одоо ч баригдаагүй байгаа дайрагчаасаа өөрийгөө хамгаалжээ.

"Би маш сандарч, цочсон. Айсан," гэж тэр хулгайлах оролдлогын талаар хэлэв. Энэ нь ахтайгаа санамсаргүй салсны дараа, эсрэг чиглэлд алхаж явсан дурын нэг танихгүй хүн түүнд ойртсоноос эхэлсэн юм.

"Би түүний хажуугаар бага зэрэг өнгөрөөд тэр асуулт асууж эхэлсэн," гэж Фатима хэлэв. "Би хаана амьдардаг вэ, би 18 настай юу гэх мэт."

Фатима "үгүй" гэж хариулаад алхаж холдохыг оролдсон боловч тэр хүн дахин ойртож, энэ удаад түүнээс тэврүүлэх хүсэлт тавьжээ.

"Тэр 'Би чамтай тэвэрч болох уу?' гэж хэлсэн. Би 'үгүй, үгүй, баярлалаа' гэсэн," гэж Фатима хэлэв.

Тэр дахин тэврэх гэсэн ч нөхцөл байдал хүчирхийллийн эргэлтэд оров.

"Хоёр дахь удаа хариулаагүй болохоор тэр намайг хүчтэй атгасан," гэж тэр хэлээд, эр юу хийснийг харуулахын тулд гараараа бугуйгаа хатуу атгаж үзүүлэв.

Фатима гараа чөлөөлж, "түүнийг түлхэж хаягаад гүйж эхэлсэн" гэжээ.

Охины ээж Фатума Жайтех хүүхдийнхээ "түүний гарт чимхэж, чөлөөлөгдөөд ахтайгаа буцаж гүйсэн, дараа нь тэд сургууль руугаа буцсан, тэнд дарга цагдаа дуудсан" гэж тайлбарлав.

Жайтех хулгайлах гэсэн хүнийг "огт танихгүй хүн" гэжээ.

Тэрээр хяналтын камерт баригдсан боловч цагдаа нар одоо ч түүнийг хайж байна.

Фатиманы ээж энэ тухай мэдээд "сандарсан" гэж хэлсэн, учир нь тэр өөрөө ахлах сургуульдаа байхдаа ижил төстэй хулгайлах оролдлогод өртөж байсан.

"Энэ нь надад юу авчирсныг би мэднэ, тиймээс охиноо ийм зүйл туулуулахыг хүсээгүй, ялангуяа төрсөн өдрөөр нь," гэж тэр хэлэв.

Аймшигтай туршлагын дараа ч Фатима тэр оройд гэртээ ирж, бялуугаар тэмдэглэсэн бөгөөд маргааш нь зоригтойгоор сургуульдаа явжээ.

"Тэр сургуулиасаа тасрах дургүй хүүхдүүдийн нэг. Би түүнд өдөр гэртээ надтай хамт байгаарай гэж хэлсэн ч тэр үгүй гэж хэлээд сургуульдаа явсан," гэж Жайтех хэлэв.